ව්යාපාරයක් පවත්වා ගෙන යාමේදී නව භාණ්ඩ හෝ සේවා අලෙවි කිරීමේ සිට පාරිභෝගිකයන්ට ලබාදෙන සේවාව දියුණු කරගැනීම දක්වා සම්බන්ධ තීරණ ගැනීම අනිවාර්යෙන්ම සිදුකළ යුතු වේ. නමුත් කාලය හෝ මුදල් නාස්ති වීම අවම කරමින් නව අදහස් අත්හදා බැලීම වැදගත් වේ.
PDCA චක්රය (Plan → Do → Check → Act) යනු එලෙස ඔබගේ නව ව්යාපාරික අදහස් ක්රියාත්මක කිරීම, කාර්යක්ෂමතාව වැඩිදියුණු කිරීම සහ ගැටළු විසඳීම සඳහා භාවිතා කළ හැකි විධිමත් සහ ඵලදායී ක්රමවේදයකි.
PDCA චක්රය ක්රියාත්මක කිරීමේ ක්රමය පහත පරිදි වේ:
Plan (සැලසුම් කිරීම)
මුලින්ම ඔබගේ ව්යාපාරික අරමුණු සහ ඉලක්ක පැහැදිලිව හඳුනාගත යුතුය. ඉන්පසුව පවතින දත්ත විශ්ලේෂණය කර ගැටලුව/අවස්ථාව හඳුනා ගැනීම කළ යුතුය. එම හඳුනාගත් අරමුණු වෙත ළඟාවීම සඳහා ක්රමවේදයක් සැලසුම් කළ යුතුය.
Do (ක්රියාත්මක කිරීම)
සැලසුම් සකස් කිරීමෙන් පසු ඒවා ක්රියාවට නැංවිය යුතුය. නමුත් එය කුඩා පරිමාණයෙන් ආරම්භ කළ යුතුය. නව ව්යාපාර අදහස් අත්හදා බැලීම, නව සැපයුම්කරුවෙකු අත්හදා බැලීම, හෝ ක්රියාවලියේ වෙනස් කිරීමක් සිදුකිරීම වැනි දේ මෙහිදි කළ හැකිය. නමුත් එය පර්යේෂණ ව්යාපෘතියක් ලෙස ක්රියාත්මක කළ යුතුය.
Check (පරීක්ෂා කිරීම)
සැලසුම් ක්රියාත්මක කිරීමෙන් පසු එහි ප්රතිඵල විශ්ලේෂණය කිරීම මඟින්, සාර්ථක වූ දේ හා අසාර්ථක වූ දේ හඳුනා ගත හැකිය. එමඟින් ඔබට අසාර්ථක වීමට හේතු, ඉදිරියට ගෙන යා හැකි සහ ඉවත් කළයුතු කරුණු පිළිබඳව අවබෝධයක් ලබාගත හැකිය.
Act (ක්රියා කිරීම)
මෙම පියවරේදී ඔබ ලබාගත් අවබෝධය සහ දැනුම අනුව ඔබ සකස් කළ ක්රමවේදය තුළ අදාළ වෙනස්කම් සිදුකළ යුතුය. නැතහොත් නැවත මෙහි මුල් පියවර වෙත ගොස් නව සැලැස්මක් සකස් කළ යුතුය. ඉන්පසුව නැවත ඉතිරි පියවරයන් අනුගමනය කළ යුතුය.
දත්ත මත පදනම් වූ තීරණ ගැනීම, සම්පත් වැයවීම අවම කිරීම, අවදානම් අවම කිරීම හා අඛණ්ඩ වර්ධන ක්රියාවලියක් පවත්වාගෙත යාම සඳහා මෙම PDCA චක්රය උපකාරි වේ.
Business Success Tips by TALENTSPARK CONSULTING
Stay informed, Stay tuned!
#BusinessGrowth #PDCA #PlanDoCheckAct #EntrepreneurTips #TalentsparkConsulting #SriLankaBusiness #BusinessSuccess #BusinessConsultant #TailorMadeSolutions
